“Liverpul” qalib gəlmək üçün əlindən gələni etməli olacaq” – Kurtua

“Real”ın qapıçısı Tibo Kurtua Çempionlar Liqasının finalında “Liverpul”a qarşı keçirəcəkləri oyunla bağlı gözləntilərini bölüşüb.

Komanda.az “Diario Sport”-a istinadən xəbər verir ki, belçikalı qolkiper oyuna tam hazır vəziyyətdə gedəcəklərini deyib:

“Liverpul” əla komandadır, yaxşı pressinq edir, gərginlik yaradır. Amma sonda hər şey ola bilər. Biz oyuna əla fiziki formada gedirik. Rəqib qalib gəlmək üçün əlindən gələni etməli olacaq”.

“Real”la “Liverpul” arasında Çempionlar Liqasının final oyunu mayın 28-də Parisdə keçiriləcək.

Bizi Telegramda izləyin