“Liverpul” fransalı hücumçunu icarəyə götürməkdə israrlıdır

“Liverpul” qış transfer pəncərəsində PSJ-nin hücumçusu Randal Kolo Muanini transfer etməyə hazırdır.

Komanda.az xarici KİV-ə istinadən xəbər verir ki, mersisaydlılar Kolo Muaninin qısamüddətli icarəyə götürülməsində israrlıdırlar. PSJ satınalma öhdəliyini potensial sözləşməyə daxil etmək istəyir.

Bundan əvvəl fransalı futbolçunun “Mançester Yunayted”, “Leyptsiq” və ya “Monako”ya keçə biləcəyi barədə məlumatlar yayılmışdı. Fransa klubunun məşqçilər heyəti 26 yaşlı hücumçuya elə də güvənmir.

Kolo Muani 2023-cü ilin yayında Frankfurt “Ayntraxt”ından 95 milyon avroya PSJ-yə keçib. Onun parislilərlə hazırkı müqaviləsi 2028-ci ilin yayına kimi nəzərdə tutulub.