“Barselona” “Mançester Yunayted”ə səfərdə qalib gəldi

UEFA Çempionlar Liqasında 1/4 final mərhələsinin ilk oyunlarına yekun vurulub.

Komanda.az xəbər verir ki, ilk oyun günündə iki qarşılaşma keçirilib. Turnirin son finalçısı “Liverpul” doğma azarkeşləri önündə “Portu”nu qəbul edib. Bu iki komanda ötən mövsüm də 1/8 final mərhələsində rəqib olmuşdular. Səfərdə “Portu”nu 5:0 hesabıyla məğlub edən “Liverpul”, öz meydanında qolsuz heç-heçə etmişdi. “Liverpul”da Endryu Robertson cəzalı, Co Qomez və Aleks Oksleyd-Çemberleyn isə zədə səbəbindən bu görüşün iştirakçısı olmayıb. “Portu”da isə Hektor Herrera və Pepe cəzalı idisə, Aleks Telles zədə səbəbindən meydanda olmayıb. Qarşılaşma isə İngiltərə təmsilçisinin inamlı qələbəsiylə yekunlaşıb.

Günün digər qarşılaşmasında isə “Tottenhem” “Mançester Siti” ilə üz-üzə gəlib. Meydan sahiblərinin heyətində Serj Orye bu oyunu buraxmalı olub. “Mançester Siti”də isə Klaudio Bravo və Aleksandr Zinçenko zədə səbəbindən bu görüşün iştirakçısı olmayıb. Matçın əvvəlində penaltini boşa verən mançesterlilər sonda bu oyunu minimal hesabla məğlub başa vurublar.

Çempionlar Liqasının 1/4 final mərhələsinin qalan iki oyunu bu gün keçirilib. “Mançester Yunayted” doğma azarkeşləri önündə “Barselona”nı qəbul edib. “Qırmızı şeytanlar”ın heyətində Mateo Darmian, Antonio Valensiya, Aleksis Sançes və Erik Bayi zədə səbəbindən bu görüşün iştirakçısı olmay;b. “Barselona”da isə Osman Dembelenin durumu oyun saatında bilinəcəkdi. Qarşılaşmanın taleyini bir qol həll edib. Qonaqların vurduğu erkən qol qələbə üçün yetərli olub.

Günün digər qarşılaşmasında “Yuventus” səfərdə “Ayaks”la qarşılaşıb. Turin təmsilçisinin hücumçusu Kriştiano Ronaldo zədəsini tam sağaldıb və “Ayaks” qarşısında meydana əsas heyətdə çıxıb. Əmrə Can və Corco Kyellini isə bu görüşdə iştirak etməyib. Qarşılaşma isə heç-heçə yekunlaşıb.

Çempionlar Liqası, 1/4 final mərhələsi, ilk oyunlar

10 aprel

Mançester Yunayted (İngiltərə) – Barselona (İspaniya) 0:1
Qol: Luk Şou, 13-öz qapısına.
Baş hakim: Canluka Rokki (İtaliya)
Mançester. “Old Trafford” stadionu

Ayaks (Hollandiya) – Yuventus (İtaliya) 1:1
Qol: David Neres, 46 – Kriştiano Ronaldo, 45.
Baş hakim: Karlos del Serra (İspaniya)
Amsterdam. “Amsterdam Arena” stadionu.

9 aprel

Liverpul (İngiltərə) – Portu (Portuqaliya) 2:0
Qol: Nabi Keyta, 5. Roberto Firmino, 26.
Baş hakim: Antonio Mateu Laos (İspaniya)
Liverpul. “Enfild” stadionu

Tottenhem (İngiltərə) – Mançester Siti (İngiltərə) 1:0
Qol: Son Hun Min, 78.
“Mançester Siti”nin futbolçusu Serxio Aquero matçın 13-cü dəqiqəsində penaltidən yararlana bilməyib (qapıçı).
Baş hakim: Byörn Kuypers (Hollandiya)
London. “Tottenhem” stadionu