“Liverpul” onu icarəyə verdi

“Maynts” heyətini yeni futbolçu ilə gücləndirib.

Komanda.az xəbər verir ki, Bundesliqa təmsilçisi “Liverpul”un mərkəz müdafiəçisi Sepp van den Berqi icarəyə götürüb.

Niderlanddan olan 21 yaşlı futbolçu 2024-cü ilin yayına qədər Almaniya klubunun uğurları üçün çalışacaq.

Van den Berq “Zvolle”nin yetirməsidir. O, “Liverpul”a 2019-cu ilin yayında gəlib. İngiltərə klubunun əsas komandasında 4 oyun keçirmiş futbolçu daha öncə “Preston Nort End” və “Şalke”də də icarədə olub.