“Liverpul”un hədəfindədir – “Bayer”in oyunçusu

“Liverpul”un müdafiəçisi Trent Aleksander-Arnold 2024/2025 mövsümünün sonunda İngiltərə klubunu azad agent kimi tərk edə bilər.

Komanda.az xarici KİV-ə istinadən xəbər verir ki, bu səbəbdən, “Liverpul” yeni sağ cinah müdafiəçisi transfer etmək istəyir. Klubun qısa siyahısında “Bayer”in futbolçusu Ceremi Frimponq da var. Niderlandlı oyunçunun müqaviləsində 40 milyon avroluq alış maddəsi var.

24 yaşlı Aleksander-Arnold bu mövsüm 23 oyun keçirib, 2 qol vurub və 8 məhsuldar ötürmə edib.