Məğlubiyyət nədir, bilmirlər

“Liverpul” İngiltərə Premyer Liqasının 20-ci turunda “Vulverhempton”u məğlub edib – 1:0.

Komanda.az “Opta”ya istinadən xəbər verir ki, Mersisayd təmsilçisi Premyer Liqada ardıcıl 50 ev oyununda məğlub olmur. “Liverpul” bu matçlarda 40 qələbə qazanıb, 10 dəfə də heç-heçə edib. Bu göstərici Premyer Liqa tarixinin ən yaxşı 3-cü statistikasıdır.

Premyer Liqada ev oyunlarında ən uzunmüddətli məğlubiyyətsizlik seriyası “Çelsi”yə aiddir. London təmsilçisi 2004-2008-ci illər aralığında keçirdiyi 83 oyunda uduzmayıb.