“Liverpul” futbolçusunu Cerrardın yanına göndərdi

“Liverpul”un futbolçusu Şeyi Ojo karyerasını Şotlandiyada davam etdirəcək.

Komanda.az xəbər verir ki, “Reyncers” klubu 22 yaşlı yarımmüdafiəçini 1 illik icarəyə götürüb. Bu barədə Qlazqo təmsilçisinin rəsmi saytı məlumat yayıb.

2011-ci ildə “Liverpul”a keçən Ojo, son mövsümü icarə əsasında Fransanın “Reyms” klubunda keçirib.

“Reyncers”in baş məşqçisi “Liverpul”un sabiq futbolçusu Stiven Cerrarddır.