Avroliqada qrupdan maksimum nəticə ilə çıxan yeganə komanda – “Bayer”!

Avropa Liqasında qrup mərhələsinə yekun vurulub.

Komanda.az xəbər verir ki, Azərbaycan çempionu “Qarabağ” da bu gün son matçına çıxıb.

Ağdam təmsilçisi İsveçin “Hakken” komandası ilə ev oyunundan qalib ayrılmaqla qrup ikincisi kimi pley-offa vəsiqə qazanıb.

H qrupunun digər oyununda “Molde”ni (Norveç) qəbul edən “Bayer” (Almaniya) bu matçda da qalib gəlməklə qrup mərhələsini maksimum nəticə ilə başa vuran yeganə komanda olub.

Avropa Liqası
Qrup mərhələsi, 6-cı tur
14 dekabr

A qrupu

“Vest Hem” (İngiltərə) – “Frayburq” (Almaniya) 2:0
Qollar: M.Kudus, 14. E.Alvares, 42.

“Olimpiakos” (Yunanıstan) – “Baçka Topola” (Serbiya) 5:2
Qollar: El Kaabi, 21. Podense, 40; 42. İliç, 46-öz qapısına. Əl-Ərəbi, 68 – Cakovaç, 48. Çirkoviç, 61.

Xal: Vest Hem – 15. Frayburq – 12. Olimpiakos – 7. Baçka Topola – 1.

B qrupu

“Ayaks” (Niderland) – AEK (Afina, Yunanıstan) 3:1
Qollar: Akpom, 5; 56. Teylor, 20 – L.Qarsiya, 11.

“Brayton” (İngiltərə) – “Olimpik” (Marsel, Fransa) 1:0
Qol: J.Pedro, 88.

Xal: Brayton – 13. Olimpik – 11. Ayaks – 5. AEK – 4.

C qrupu

“Betis” (İspaniya) – “Reyncers” (Şotlandiya) 2:3
Qollar: Miranda, 14. A.Peres, 37 – Sima, 10. Dessers, 20. Ruf, 78.

“Aris” (Limasol, Kipr) – “Sparta” (Praqa, Çexiya) 1:3
Qollar: Benqtsson, 84 – Kuçta, 4. Birmançeviç, 11; 45+1.

Xal: Reyncers – 11. Sparta – 10. Betis – 9. Aris – 4.

D qrupu

“Rakuv” (Polşa) – “Atalanta” (İtaliya) 0:4
Qollar: Muriel, 14; 72. Bonfanti, 26. De Ketelare, 90+2.

“Sportinq” (Portuqaliya) – “Şturm” (Avstriya) 3:0
Qollar: Qyokeres, 39. İnasio, 60; 70.

Xal: Atalanta – 14. Sportinq – 11. Şturm – 4. Rakuv – 4.

E qrupu

LASK (Avstriya) – “Tuluza” (Fransa) 1:2
Qollar: Lyubiçiç, 61 – Dallinqa, 54. Suazo, 83.

“Yunion” (Belçika) – “Liverpul” (İngiltərə) 2:1
Qollar: Amura, 32. Puertas, 43 – Kansa, 40.

Xal: Liverpul – 12. Tuluza – 11. Yunion – 8. LASK – 3.

F qrupu

“Renn” (Fransa) – “Vilyarreal” (İspaniya) 2:3
Qollar: Assinyon, 37 Blas, 79 – Moreno, 36. Akomaç, 62. Parexo, 80.

“Panatinaikos” (Yunanıstan) – “Makkabi” (Hayfa, İsrail) 1:2
Qollar: İoannidis, 89 – David, 20. Çeri, 74.

Xal: Vilyarreal – 13. Renn – 12. Makkabi – 5. Panatinaikos, 4.

G qrupu

“Slaviya” (Praqa, Çexiya) – “Servett” (İsveçrə) 4:0
Qollar: Doudera, 15. Ştrans, 25. Xitil, 30; 45+1.

“Roma” (İtaliya) – “Şerif” (Moldova) 3:0
Qollar: Lukaku, 11. Belotti, 32. Pisilli, 90+3.

Xal: Slaviya – 15. Roma – 13. Servett – 5. Şerif – 1.

H qrupu

“Qarabağ” (Azərbaycan) – “Hakken” (İsveç) 2:1
Qollar: L.Andrade, 1. Y.Benzya, 45+4 – B.Hüseynov, 90+4-öz qapısına.

“Bayer” (Almaniya) – “Molde” (Norveç) 5:1
Qollar: P.Şik, 6. Tapsoba, 22. Ellinqsen, 25-öz qapısına. Hlojek, 60; 70 – Kitolano, 75.

Xal: Bayer – 18. Qarabağ – 10. Molde – 7. Hakken – 0.