Liqa 1 klubunun baş məşqçi postuna 6 namizəd

Fransanın “Nitsa” klubunun baş məşqçi postuna namizədlərin siyahısı məlum olub.

Komanda.az xəbər verir ki, bu barədə “Ekip” nəşri məlumat yayıb.

Məlumata görə, hazırda “Nitsa”nın baş məşqçisi vəzifəsini icra edən Didye Diqardın yayda klubu tərk etmə ehtimalı yüksəkdir. Onun yerini Reqis Le Bris (“Loryan”), Frank Eze (“Lans”), Tiaqo Motta (“Bolonya”), Karel Gerarts (“Yunion”), Roberto De Zerbi (“Brayton”) və “Çelsi”nin keçmiş baş məşqçisi Qrem Potter tuta bilər.

Daha əvvəl bildirilmişdi ki, “Nitsa” sahiblərinin əsas namizədi Potterdir.

“Nitsa” bu mövsüm keçirdiyi 35 oyundan sonra 51 xalla Fransa Liqa 1-in turnir cədvəlində 10-cu yerdədir. Komanda Çempionlar Liqası zonasından 14 xal geri qalır.