Liqa 1 klubunda yeni müqavilə

Fransanın “Renn” klubu müdafiəçisi Fetu Mauassa ilə müqavilənin müddətini uzadıb.

Komanda.az xəbər verir ki, bu barədə Liqa 1 təmsilçisinin rəsmi saytı məlumat yayıb.

Tərəflər arasındakı yeni müqavilə 2022-ci ilin yayına qədərdir. Əvvəlki anlaşmanın müddəti gələn ilin yayında başa çatacaqdı.

Mauassa geridə qalan mövsümdə “Renn”in heyətində 32 oyuna çıxıb, 3 qola, 2 məhsuldar ötürməyə imza atıb.

“Nansi”nin yetirməsi olan Mauassa, 2017-ci ildən “Renn”də çıxış edir. O, 2018/19 mövsümündə icarə əsasında “Nim”də də oynayıb.