“Lion”un futbolçusu “Milan”ın hədəfində

“Lion”un orta sahə futbolçusu Nabil Fekir karyerasını İtaliyada davam etdirə bilər.

Komanda.az Fransa mətbuatına istinadən xəbər verir ki, A Seriyasında mübarizə aparan “Milan”, 25 yaşlı futbolçu ilə yaxından maraqlanır. “Qırmızı-qaralar”ın futbolçu üçün Fransa klubundan transfer məlumatlarını istədiyi və teziklə ilkin təklif hazırlayacağı bildirilir.

Keçən yay transfer pəncərəsi dövründə “aslanlar”ın Fekir üçün 80 milyon avro tələb etdiyi, hazırda isə futbolçunun qiymətinin 35-40 miyon avro arasında olduğu deyilir.

“Lion”la 2020-ci ilədək müqaviləsi olan fransalı futbolçu, son mövsümdə iştirak etdiyi 39 oyunda 12 qol, 9 məhsuldar ötürmə ilə yadda qalıb.