“Lion” Silvinyo və Juninyonun təyinatını rəsmən açıqladı

Fransanın “Lion” klubunun yeni baş məşqçisi müəyyənləşib.

Komanda.az xəbər verir ki, Liqa 1 təmsilçisi, gözlənildiyi kimi, Silvinyoya tapşırılıb. Bu barədə klubun rəsmi saytı məlumat yayıb.

Müqavilənin detalları barədə məlumat verilməyib. Braziliyalı mütəxəssis bu postda Bruno Jenezionu əvəzləyib.

Silvinyo daha öncə Braziliya millisində, İtaliyanın “İnter”, Braziliyanın “Kruzeyro, “Sport Resife”, “Nautiko” və “Korintians” klublarında məşqçi köməkçisi çalışıb. Bu ildən isə o, Braziliyanın U-23 millisində baş məşqçi kimi işləyirdi.

“Lion” Silvinyo ilə eyni vaxtda sabiq futbolçusu Juninyonun da kluba qayıdışını elan edib. O isə sabiq klubunda idman direktoru vəzifəsində çalışacaq.