Lideri dayandıran tapıldı

Basketbol üzrə Azərbaycan Super Liqasında 7-ci tura start verilib.

Komanda.az xəbər verir ki, ilk oyun günündə bir görüş baş tutub.

“Atom” cari mövsümdə məğlubiyyət tanımayan “Zirvə”ni sınağa çəkib. Çox gərgin mübarizə şəraitində keçən dramatik oyunun 2-ci hissəsindən sonra “Atom” 48:46 hesabıyla öndə olub. 3-cü hissənin sonunda “Zirvə”nin kapitanı Zaur Paşayev 5-ci folu alaraq meydançanı tərk edib. Zaurun yoxluğu “Zirvə”ni zəiflədərək son nəticədə komandanın uduzmasının əsas səbəblərindən biri olub.

Turun qalan qarşılaşmaları isə noyabrın 23-də keçiriləcək.

Azərbaycan Super Liqası, 7-ci tur

22 noyabr

Atom – Zirvə 95:89 (19:27, 29:19, 19:20, 28:24)

23 noyabr

13:00. Sıçrayış – Xırdalan
15:00. Atletik – Sərkərdə
17:00. 80-lər – Gəncə