“Levandovski əsl peşəkardır”

“Barselona”nın baş məşqçisi Hans-Diter Flik komandanın hücumçusu Robert Levandovskinin çıxışını yüksək qiymətləndirib.

Komanda.az “Barca Universal”-a istinadən xəbər verir ki, o, bunu deyib:

“Levandovski qocalır? O, əsl peşəkardır. Bugünkü oyunda onun müdafiədə necə işlədiyini hamımız gördük. Bu bizim üçün vacibdir. Biz komanda olaraq müdafiə olunmalı və hücuma keçməliyik”.

Polşalı futbolçunun avqustun 21-də 36 yaşı tamam olacaq. O, “Barselona”nın La Liqanın ilk turunun “Valensiya” ilə oyununda (2:1) hər iki qolu özü vurub və matçın ən yaxşı oyunçusu adına layiq görülüb.