Levandovski ilə Qavinin Arauxodan xahişi

“Barselona”nın müdafiəçisi Ronald Arauxonun komanda yoldaşları ondan ayrılmaq qərarına yenidən baxmasını xahiş ediblər.

Komanda.az AS-a istinadən xəbər verir ki, İspaniya superkubokunda “Real” üzərində 5:2 hesablı qələbədən dərhal sonra Robert Levandovski və Qavi uruqvaylı müdafiəçi ilə danışaraq, onu komandanı tərk etməməyə razı salmağa çalışıblar.

25 yaşlı futbolçunu “Yuventus”a keçmə ehtimalı cəlb edir. Turin klubu onu qış transfer pəncərəsində almağa hazır olsa da, hələlik “Barselona” ilə anlaşmayıb.

Arauxonun “Barselona” ilə müqaviləsi 2026-cı ilin ortalarına qədərdir.