“Levandovski son iki “qızıl top”u qazanmağa layiq idi”

Fransa millisinin və “Bayern”in keçmiş futbolçusu Frank Riberi münhenlilərin hücumçusu Robert Levandovskinin çıxışını qiymətləndirib.

Komanda.az “Sky Sport İtalia”ya istinadən xəbər verir ki, keçmiş yarımmüdafiəçi, Levandovskini dünyanın ən yaxşı hücumçusu adlandırıb:

“Mənim üçün Levandovski son iki-üç ildə dünyanın ən yaxşı hücumçusudur. Robert çox işləyir və komanda yoldaşlarına kömək etməyi sevir. O, Almaniya Bundesliqasını başqa çempionatlardan fərqləndirir. Levandovski hansısa matçda het-trik etsə belə, dərhal növbəti oyunu düşünür. Levandovski son iki “qızıl top”u qazanmağa layiq idi”.

Riberi hazırda A Seriyası təmsilçisi “Salernitana”da çıxış edir.