“Levandovski heyrətamiz futbolçudur” – Qvardiola

“Mançester Siti”nin baş məşqçisi Pep Qvardiola “Barselona”nın hücumçusu Robert Levandovski haqda fikirlərini bölüşüb.

Komanda.az AS-a istinadən xəbər verir ki, ispaniyalı çalışdırıcı Levandovskinin heyrətamiz futbolçu olduğunu bildirib:

“Levandovski heyrətamiz futbolçudur. O, mənim komandamda idi, ona görə də Robertin nəyə qadir olduğunu çox yaxşı bilirəm. “Bayern”in heyətində bir matçda 9 dəqiqə ərzində penta-trik etdi”.

İyulun 31-də “Mançester Siti” “Barselona” ilə yoxlama oyunu keçirəcək.

Polşalı forvard İspaniya çempionatının ötən mövsümündə 35 oyunda 19 qol vurub, 8 məhsuldar ötürmə edib.