“Biz necə oyun göstərə biləcəyimizi bilirik” – Levandovski

“Barselona”nın hücumçusu Robert Levandovski İspaniya çempionatının 29-cu turunun matçında “Atletiko” üzərində qazandıqları qələbədən (3:0) danışıb.

Komanda.az “Marca”-ya istinadən xəbər verir ki, polşalı hücumçu yaxşı oyun keçirdiklərini, qol vurduğu və iki məhsuldar ötürmə etdiyi üçün şad olduğunu bildirib:

“Yaxşı oyun keçirdik, qol vurduğum və iki məhsuldar ötürmə etdiyim üçün şadam. Amma məncə, oyunumuzda rahatlıq olsa, daha yaxşı olardı. İrəliyə doğru addım atmaq istəyirik, qalib gəlib daha yaxşı oynamalıyıq. Biz necə oyun göstərə biləcəyimizi bilirik. Böyük potensialımız və əla gənc oyunçularımız var”.

“Barselona” 64 xalla La Liqada turnir cədvəlinin 2-ci pilləsində qərarlaşıb.