“Onlarla qarşılaşmağa hazırıq” – Levandovski

UEFA Çempionlar Liqasının 1/8 final mərhələsi çərçivəsində “Latsio” ilə qarşılaşacaq “Bavariya”nın hücumçusu Robert Levandovski açıqlama verib.

Komanda.az Almaniya mətbuatına istinadən xəbər verir ki, püşkü dəyərləndirən polşalı futbolçu, vaxtilə A Seriyasında oynamaq şansının olduğunu bildirib:

“Bizim üçün çətin oyun olacaq. “Latsio” Çempionlar Liqasında yaxşı mübarizə apardı. Onlarla qarşılaşmağa hazırıq.

İtaliyada çoxlu polşalı futbolçular var. “Lex”də oynayarkən, “Cenoa”dan təklif almışdım, amma Çempionlar Liqasında oynamaq istəyirdim. Buna görə də, “Borussiya”nı (Dortmund) seçdim. İndi harda olduğuma baxanda, verdiyim qərarın doğru olduğunu görürəm”.