“Lester” “sükan”ı “Çelsi”nin sabiq baş məşqçisinə tapşıra bilər

“Çelsi”nin keçmiş baş məşqçisi Qrem Potter “Lester”in “sükanı arxasına” keçə bilər.

Şənbə günü “tülkülər” evdə “Çelsi”yə uduzub (1:2) və ertəsi gün klub baş məşqçi Stiv Kuperin istefaya göndərildiyini açıqlayıb.

Komanda.az xarici KİV-ə istinadən xəbər verir ki, Potter komandaya rəhbərlik edə bilər. Onun namizədliyi bir neçə başqa mütəxəssislə birlikdə nəzərdən keçirilir.

Qrem Potter “Çelsi”də 2022-ci ilin sentyabrından qovulduğu 2023-cü ilin aprel ayına kimi çalışıb. O həmin vaxtdan bəri işsizdir.

“Lester” Premyer Liqada 12 turdan sonra 10 xalla turnir cədvəlinin 16-cı pilləsində qərarlaşıb.