“Lester”in futbolçusu 3 klubun hədəfində

İngiltərənin “Mançester Yunayted” klubu “Lester”in futbolçusunu heyətinə qatmaq niyyətindədir.

Komanda.az İngiltərə mətbuatına istinadən xəbər verir ki, “tülkülər”in yarımmüdafiəçisi Ceyms Meddison Mançester təmsilçisinin transfer hədəfindədir. 22 yaşlı futbolçunu yaxından izləyən “qırmızı şeytanlar” Ceymsi gələn ilin yayında transfer etmək istəyir.

Ceymslə “Liverpul” və “Mançester Siti”nin də yaxından maraqlandığı bildirilir.

2018-ci ildən “Lester”in şərəfini qoruyan ingiltərəli futbolçu, keçən mövsüm Premyer Liqada iştirak etdiyi 36 matçda 7 qol, 7 məhsuldar ötürmə ilə yadda qalıb.