Jardimin yeni iş yeri bəlli oldu

Portuqaliyalı məşqçi Leonardo Jardimin yeni iş yeri müəyyənləşib.

Komanda.az xəbər verir ki, 47 yaşlı mütəxəssis bundan sonra Birləşmiş Ərəb Əmirliklərinin “Şabab Əl-Əhli” komandasına rəhbərlik edəcək.

Bu barədə sözügedən klubun mətbuat xidməti məlumat yayıb. Tərəflər bir illik müqaviləyə imza atıblar.

Jardim son olaraq Səudiyyə Ərəbistanı təmsilçisi “Əl-Hilal”ı çalışdırıb. O, daha önce “Monako”, “Olimpiakos”, “Beyra Mar” kimi komandalara rəhbərlik edib, Fransa və Yunanıstan çempionu olub.