Lempard yenidən “Çelsi”də – Rəsmi

“Çelsi” klubu Frenk Lempardın baş məşqçi təyin olunduğunu açıqlayıb.

Komanda.az klubun rəsmi saytına istinadən xəbər verir ki, 45 yaşlı mütəxəssis mövsümün sonunadək “zadəganlar”ın “sükanı arxasında” olacaq.

Lempard 2001-2014-cü illərdə “Çelsi”də futbolçu kimi forma geyinib. O, 2019-2021-ci illərdə komandanın baş məşqçisi olub.

“Çelsi” hazırda İngiltərə Premyer Liqasının turnir cədvəlində 39 xalla 11-ci pillədə qərarlaşıb.