Lempard Şotlandiya klubunun təklifini rədd edib

“Çelsi”nin keçmiş çalışdırıcısı Frenk Lempard “Reyncers”in baş məşqçisi postuna namizədlər siyahısına daxil edilməyib.

Komanda.az “The Telegraph”-a istinadən xəbər verir ki, ingilis mütəxəssis məşqçilik işinə qayıtmağa hazırdır, lakin “Reyncers”in “sükanı arxasına” keçmək istəmir.

Şotlandiya təmsilçisi oktyabrın 1-də baş məşqçi Maykl Bilin istefaya göndərildiyini elan edib.

Komanda 7 turdan sonra 12 xalla Şotlandiya çempionatının turnir cədvəlində üçüncüdür. “Reyncers” liqanın lideri “Seltik”dən 7 xal geri qalır.