ÇL: “Qol vurduğum üçün xoşbəxtəm”

“Milan”ın vingeri Rafael Leao UEFA Çempionlar Liqasının ümumi mərhələsinin 6-cı turu çərçivəsində səfərdə “Srvena Zvezda” üzərində qazandıqları qələbədən danışıb.

Komanda.az UEFA-nın mətbuat xidmətinə istinadən xəbər verir ki, portuqaliyalı futbolçu qol vurduğu üçün xoşbəxt olduğunu deyib:

“Qol vurduğum üçün xoşbəxtəm, amma qələbə daha vacibdir. “Milan” Avropanın ən yaxşılarından biri olmağa çalışır, ona görə də, qalan oyunlarda özümüzü yaxşı tərəfdən göstərmək bizim üçün önəmlidir”.

Qaşılaşma Milan klubunun 2:1 hesablı qələbəsi ilə başa çatıb.

Paulo Fonsekanın komandası Çempionlar Liqasında 12 xalla turnir cədvəlində 12-ci, “Srvena Zvezda” isə 3 xalla 31-ci pillədə qərarlaşıb.