“İbrahimoviç xırda fəndləri ilə mənə çox kömək etdi” – Leao

“Milan”ın hücumçusu Rafael Leao hazırda İtaliya klubunda inzibati vəzifə tutan keçmiş futbolçu Zlatan İbrahimoviçdən öyrəndikləri haqda danışıb.

Komanda.az xarici KİV-ə istinadən xəbər verir ki, portuqaliyalı futbolçu, İbrahimoviçin öz təcrübəsini, bacarıq və effektivliyin sirlərini həvəslə bölüşdüyünü söyləyib:

“Xırda fəndləri ilə mənə çox kömək etdi: topa necə nəzarət etməli, ötürmə necə olmalıdır. Rəqibin hədəfi qarşısında necə daha inamlı və ağlabatan hiss etmək olar, mentalitet və konsentrasiya… Mən bunu öz nəticələrimdə hiss etdim”.

Leao 2019-cu ildən bəri “Milan”da çıxış edir.