Leandro Andrade: “Hər şey öz əlimizdədir”

“Qarabağ”ın yarımmüdafiəçisi Leandro Andrade Konfrans Liqasının pley-off mərhələsi çərçivəsində Belçikanın “Gent” komandasına qarşı keçirdikləri ilk oyunu şərh edib.

Komanda.az xəbər verir ki, o, Bakıda baş tutan və 1:0 hesabı ilə qalib gəldikləri oyundan sonra jurnalistlərə açıqlamasında bunları söyləyib:

“Matçın ağır keçəcəyini öncədən bilirdik. Çünki qarşımızda çətin rəqib var idi. Buna baxmayaraq, qələbə qazandıq. Heyətdə dəyişikliklər olduğunu da nəzərə almaq lazımdır. Bir çox futbolçular qış fasiləsində komandanı tərk etdilər. Əvəzində yeni oyunçular gəldilər. Amma yenə də qalib gəldik. Hər şey öz əlimizdədir. Qarşıdakı oyunlarda yaxşı nəticələr qazanmaq üçün çalışmaq lazımdır”.

Andrade qələbə qolunu onun vurmasının o qədər də vacib əhəmiyyət kəsb etmədiyini, komandanın qələbə qazanmasının daha vacib olduğunu vurğulayıb: “Komandaya qələbə qazandıran qolu vurmaq üçün hər kəsdə inam olmalıdır. Bizim hamımızda bu inam var idi. Meydana çıxanda hamımızın istəyi qələbə qazanmaq olur. Belə də davam etməliyik”.