“Bu gecədən sonra…” – Klopp

“Liverpul”un baş məşqçisi Yurgen Klopp İngiltərə Premyer Liqasının 23-cü turunun “Everton”la oyunundan sonra (2:0) açıqlama verib.

Komanda.az “BBC Sport”-a istinadən xəbər verir ki, o, komandasının layiqli qələbə qazandığını deyib:

“Komandada əhəmiyyətli dərəcədə rahatlama var. Bu gecədən sonra hər kəs əvvəlki vaxtlarımıza bir az daha çox inanmağa başlayıb. Birinci dəqiqədən sona qədər öz oyunumuzu oynamalı idik.

Layiqli qələbə qazandıq. Meydanda üstünlük bizim tərəfimizdə idi. Rəqəmləri dəqiq bilmirəm. Məncə, 70 faiz topa sahib olan tərəf biz idik”.

“Liverpul” İngiltərə çempionatında 4 oyunluq qələbəsizlik seriyasına son qoyub və 32 xalla turnir cədvəlinin 9-cu pilləsində qərarlaşıb. “Everton” isə 18 xalla 18-ci sırada yer alır.