“Roma”nı məğlub edən futbolçularımla qürur duyuram” – Sarri

“Latsio”nun baş məşqçisi Mauritsio Sarri A Seriyasının 6-cı turunda “Roma”nı məğlub etdikləri oyundan sonra fikirlərini bildirib.

Komanda.az xəbər verir ki, Sarri, 3:2 hesabıyla qələbə qazandıqları görüşlə bağlı bunları deyib:

“Bir derbidə bu qədər adrenalinin olacağını və qələbənin belə möhtəşəm hiss etdirəcəyini düşünməmişdim. “Roma”nı məğlub edən futbolçularımla qürur duyuram.

Oyundan əvvəl üzərimizdə təzyiq var idi və futbolçular gərgin idi. Müdafiədə yaxşı görünüb, iki qol buraxmaq məni narahat etdi. Bu komandanın böyük potensialı var. İrəliləyən vaxtlarda bunu göstərəcəyik”.