Depay İtaliya klubunun hədəfində

Fransanın “Lion” klubunun futbolçusu Memfis Depay karyerasını İtaliyada davam etdirə bilər.

Komanda.az İtaliya mətbuatına istinadən xəbər verir ki, “Latsio” 26 yaşlı hücumçunu heyətinə qatmaq istəyir. İtalyanlar yayda transfer etmək istədikləri futbolçu üçün Fransa klubu ilə danışıqlara başlamağa hazırdır. “Lion” futbolçunun təzminat qiymətini 50 milyon avro olaraq müəyyənləşdirib. Amma “Latsio” rəhbərliyi danışıqlar nəticəsində daha az məbləğ qarşılığında futbolçunu transfer edəcəklərinə ümid edir.

2017-ci ildən “Lion”un şərəfini qoruyan niderlandlı futbolçu, cari mövsümdə iştirak etdiyi 18 oyunda 14 qol və 2 məhsuldar ötürmə ilə yadda qalıb. Onun klubla müqaviləsi 2021-ci ilin iyulunadək nəzərdə tutulub.