Laporta istefa vermək haqda düşünmür

“Barselona”nın prezidenti Xuan Laporta hələlik postunu tərk etmək niyyətində deyil.

Komanda.az xarici KİV-ə istinadən xəbər verir ki, yarımmüdafiəçi Dani Olmo və hücumçu Pau Viktorun cari mövsümün ikinci yarısı üçün qeydiyyatında uğursuzluq fonunda Kataloniya klubunun rəhbərinin mümkün gedişi ilə bağlı söhbətlər yaranıb.

Laporta istefa vermək haqda düşünmür. O, tamamilə yuxarıda göstərilən problemin həllinə yönəlib.

62 yaşlı funksioner 2021-ci ilin martında “Barselona”nın prezidenti vəzifəsinə keçib. O, həmçinin 2003-2010-cu illərdə də kluba rəhbərlik edib.

Olmo və Viktor problemi həll olunmasa, bu futbolçular komandanın sıralarını sərbəst tərk edə bilərlər.