Laporta: “Biz Xaviyə tamamilə güvənirik”

“Barselona”nın prezidenti Xuan Laporta baş məşqçi Xavinin gələcəyi haqda danışıb.

Komanda.az xarici KİV-ə istinadən xəbər verir ki, daha əvvəl ispaniyalı mütəxəssisin tutduğu vəzifədən uzaqlaşdırıla biləcəyi bildirilirdi. Laporta bu məlumatı təkzib edib:

“Biz Xaviyə tamamilə güvənirik”.

Xavinin Kataloniya klubu ilə hazırkı müqaviləsi 2025-ci ilin iyun ayına qədərdir.

Hazırda “Barselona” İspaniya çempionatının turnir cədvəlində 35 xalla üçüncü pillədə qərarlaşıb.