“Arsenal”dan ayrılıb İspaniyaya gedə bilər

İngiltərənin “Arsenal” klubunun futbolçusu Aleksandr Lakazett komandadan ayrıla bilər.

Komanda.az İngiltərə mətbuatına istinadən xəbər verir ki, 28 yaşlı hücumçu “Atletiko”nun hədəfindədir. Madrid klubu, Lakazetti komandadan ayrılması gözlənilən Dieqo Koştanın əvəzləyicisi olaraq görür. Koşta “Atletiko”dan ayrılsa, klub fransalı futbolçu üçün hərəkətə keçəcək.

“Arsenal”ın da Lakazetti satmağı düşündüyü bildirilir.

2017-ci ildən “Arsenal”ın şərəfini qoruyan Lakazettin klubla müqaviləsi 2022-ci ilin iyununadək nəzərdə tutulub.