La Liqa klubundan Türkiyə Super Liqasına

Türkiyənin “Adana Dəmirspor” klubu heyətini yeni futbolçu ilə gücləndirib.

Komanda.az Türkiyə mətbuatına istinadən xəbər verir ki, Super Liqa təmsilçisi “Real Sosyedad”ın müdafiəçisi Kevin Rodrigesi transfer edib. Futbolçu ilə 3 illik müqavilə imzalanıb.

28 yaşlı oyunçu Portuqaliya millisində 3 matç keçirib.

2016-cı ildən “Real Sosyedad”da çıxış edən futbolçu geridə qalan mövsümü icarə əsasında La Liqanın digər təmsilçisi “Rayo Valyekano”da keçirib.