La Liqa klubundan Soldado ilə yeni müqavilə

İspaniyanın “Qranada” klubu hücumçusu Roberto Soldado ilə müqavilənin müddətini uzadıb.

Komanda.az xəbər verir ki, bu barədə La Liqa təmsilçisinin rəsmi saytı məlumat yayıb.

35 yaşlı futbolçu yeni müqaviləyə əsasən 2020/21 mövsümünün sonuna qədər “Qranada”nın uğurları üçün çalışmağa davam edəcək.

Qeyd edək ki, Soldado 2019-cu ilin yayından formasını geyindiyi “Qranada”da 2019/20 mövsümü ərzində 39 oyuna çıxıb. O, bu oyunlarda 7 məhsuldar ötürmə müəllifi, eləcə də vurduğu 11 qolla komandanın bombardiri olub.