La Liqa klubu 34 yaşlı qapıçı ilə gücləndi

İspaniyanın “Valensiya” klubu heyətini yeni futbolçu ilə gücləndirib.

Komanda.az xəbər verir ki, La Liqa təmsilçisi qapıçı Yaqo Errerini heyətinə cəlb edib.

Bu barədə klubun rəsmi saytı məlumat yayıb. 34 yaşlı qolkiperlə bu mövsümün sonuna kimi müqavilə imzalanıb.

İspaniyadan olan qapıçının sonuncu iş yeri Səudiyyə Ərəbistanı təmsilçisi “Əl-Raed” olub. O, sözügedən klubdan bu ilin iyulunda azad agent kimi ayrılıb. Peşəkar karyerasına “Baskoniya” klubunda başlamış futbolçu “Barakaldo”, “Atletik” (Bilbao), “Aletiko B” (Madrid), “Numansiya”, “Leqanes” kimi klubların da formasını geyinib.