“Kəpəz”in 2 futbolçusu əməliyyat olunacaq

“Kəpəz”in futbolçuları Elmir Tağıyevlə İlkin Qırtımov əməliyyat olunacaq.

Komanda.az xəbər verir ki, bu barədə Gəncə təmsilçisinin mətbuat xidməti məlumat yayıb.

Əzələ qopmasından əziyyət çəkən Tağıyev İstanbulda, Qırtımov isə Bakıda əməliyyat ediləcək. İkinciyə diz oynağının medial meniskin yırtığı diaqnozu qoyulub.

Hər iki oyunçunun bərpa müddəti 3 həftə çəkəcək.