Kyeza “Liverpul”da!

Federiko Kyeza “Yuventus”dan ayrılaraq “Liverpul”a keçib.

Komanda.az xarici KİV-ə istinadən xəbər verir ki, İngiltərə klubu 26 yaşlı futbolçu ilə dörd mövsümlük – 2028-ci ilin ortalarına qədər olan müqaviləni tam razılaşdırıb. “Sky Sports” transfer məbləğinin 12 milyon avro olacağını qeyd edib.

Kyeza yeni kluba keçidi haqda açıqlama da verib:

“Mən çox xoşbəxtəm, “Liverpul”un yeni oyunçusu olmaq üçün səbirsizlənirəm. Mən və ailəm, həqiqətən çox xoşbəxtik. İcazə verin, “Yuventus”a və azarkeşlərə təşəkkür edim, onlar mənə həmişə xüsusi münasibət bəsləyiblər. İndi “Liverpul” zamanıdır, mən çox xoşbəxtəm. Mən gözləyə bilmirəm!”