Kvaratsxeliya Fransa çempionatında debüt edə bilər – Bu gün

Xviça Kvaratsxeliya Fransa çempionatının 19-cu turunda “Reyms”lə oyun üçün PSJ-nin heyətinə daxil edilib.

Komanda.az xəbər verir ki, bu barədə Paris klubunun mətbuat xidməti məlumat yayıb.

Gürcü yarımmüdafiəçi Liqa 1 çempionuna bu qış 70 milyon avro qarşılığında “Napoli”dən qoşulub. O, yeni klubu ilə 2029-cu ilin ortalarına qədər olan müqavilə imzalayıb.

PSJ – “Reyms” matçı bu gün baş tutacaq. Matçın start fiti saat 00:05-də çalınacaq.

Parislilər Fransa çempionatının 18 turundan sonra 46 xalla turnir cədvəlinə başçılıq edir. “Reyms” isə 21 xalla 13-cü pillədə qərarlaşıb.