Kvaratsxeliya 2 superklubun hədəfindədir

“Napoli”nin və Gürcüstan millisinin hücumameyilli yarımmüdafiəçisi Xviça Kvaratsxeliya İspaniya çempionatının top-klublarının maraq dairəsində qalmağa davam edir.

Komanda.az “Todofichajes”-ə istinadən xəbər verir ki, 23 yaşlı vinger “Real”ın və “Barselona”nın hədəfindədir.

“Transfermarkt” portalı Kvaratsxeliyanın bazar dəyərini 80 milyon avro olaraq qiymətləndirir. Gürcü futbolçu ilə Neapol klubu arasındakı müqavilə 2027-ci ildə başa çatacaq.

Kvaratsxeliya A Seriyasının cari mövsümündə 13 oyunda iştirak edib, 5 qol vurub və 2 məhsuldar ötürmə verib.