Kurtua 3-cü övladının dünyaya gəldiyini açıqladı

“Real”ın qapıçısı Tibo Kurtua qızının dünyaya gəldiyini açıqlayıb.

Komanda.az xarici KİV-ə istinadən xəbər verir ki, belçikalı futbolçu sosial şəbəkə hesabında özünün, həyat yoldaşı Mişel Herziqin və uşağının əlinin şəklini yerləşdirərək bunları yazıb:

“Dünyaya xoş gəlmisən, bizim balaca Elli. 30.03.2024. Biz səni çox sevirik!”

Kurtua və Herziq keçən yay evləniblər. Belçikalı qolkiperin ispaniyalı Marta Dominqeslə ilk münasibətindən artıq 8 yaşlı qızı Adriana və 6 yaşlı Nikolas adlı oğlu var.