Kurtua: “Mançester Siti” ilə oynasaq, onları məğlub etməliyik”

“Real”ın qapıçısı Tibo Kurtua UEFA Çempionlar Liqasının pley-off mərhələsində “Mançester Siti” ilə mümkün qarşılaşma haqda danışıb.

Komanda.az “Mundo Deportivo”-ya istinadən xəbər verir ki, belçikalı qolkiper “Real”ın istənilən qarşıdurmaya hazır olduğunu bildirib:

“Biz pley-offda oynayacağıq. Rəqibimiz “Mançester Siti” və ya “Seltik” olacaq. “Real” istənilən qarşıdurmaya hazırdır. “Şəhərlilər”lə oynasaq, onları məğlub etməliyik. Çempionlar Liqasını qazanmaq üçün ən yaxşısına qalib gəlməlisən. Onlar çox güclü rəqibdirlər”.

Çempionlar Liqasının hazırkı qalibi olan “kral klubu” cari mövsümdə ümumi mərhələnin son oyununda səfərdə Fransa “Brest”inə 3:0 hesabı ilə qalib gəlib.