DÇ-2022: “Biz bunu gözləmirdik” – Kurtua

Belçika millisinin qapıçısı Tibo Kurtua DÇ-2022-nin qrup mərhələsində Kanada üzərində qələbə (1:0) haqda danışıb.

Komanda.az “Marca”-ya istinadən xəbər verir ki, belçikalı qapıçı təzyiq qarşısında mübarizə apardıqlarını deyib:

“Rəqib qapıya çoxlu zərbələr endirdi. Ancaq hədəfə cəmi üç dəfə vura bildilər. İlk oyunda qapını toxunulmaz saxlamaq vacib idi. Kanadalılar çox yaxşı təzyiq göstərdilər. Biz bunu gözləmirdik”.

Kurtua İspaniya millisinin Kosta Rika üzərində qələbəsi (7:0) ilə bağlı da fikir bildirib:

“İspaniya millisinin oyununu tam izləyə bilmədim. Əminəm ki, Luis Enrike keyfiyyətli komanda formalaşdırıb”.

F qrupuna Belçika başçılıq edir (3 xal). Mərakeş ikinci (1 xal), Xorvatiya üçüncü (1 xal), Kanada isə sonuncudur (0 xal).

Noyabrın 27-də Belçika Mərakeş, Xorvatiya isə Kanada millisi ilə qarşılaşacaq.