ÇL: “Kroos “Seltik”ə qarşı əla oyun keçirdi”

“Real”ın baş məşqçisi Karlo Ançelotti Çempionlar Liqasının qrup mərhələsində “Seltik”lə oyundan (3:0) sonra Toni Kroosun çıxışını dəyərləndirib.

Komanda.az AS-a istinadən xəbər verir ki, Ançelotti, Kroosun əla oyun nümayiş etdirdiyini deyib:

“Kroos “Seltik”ə qarşı əla oyun keçirdi. Topla çox yaxşı rəftar edirdi. Həmişəki kimi, səviyyəsi çox yüksəkdir”.

Çempionlar Liqasının qrup mərhələsinin 1-ci turundan sonra “Real” 3 xal toplayaraq F qrupunda turnir cədvəlinin 2-ci pilləsində qərarlaşıb. “Seltik” isə 0 xalla sonuncu pillədədir.

Bizi Telegramda izləyin