Krivotsyukun komandasından inamlı qələbə

Futbol üzrə Cənubi Koreya çempionatında 31-ci turun oyunları keçirilib.

Komanda.az xəbər verir ki, Azərbaycan yığmasının müdafiəçisi Anton Krivotsyukun komandası “Daejeon” da növbəti matçına çıxıb.

Sözügedən kollektiv evdə “Suvon”la qarşılaşıb və 3:1 hesablı qələbəyə sevinib.

Anton da bu görüşün iştirakçısı olub. O, start heyətdə meydana çıxıb və 61-ci dəqiqədə əvəzlənib.

“Daejeon” hazırda 41 xalla 8-ci pillədə qərarlaşıb.