Krivotsyukun komandası doğma meydanda sevindi

Futbol üzrə Cənubi Koreya çempionatında 24-cü turun oyunları keçirilib.

Komanda.az xəbər verir ki, Azərbaycan yığmasının müdafiəçisi Anton Krivotsyukun komandası “Daejeon” da növbəti matçına çıxıb.

Sözügedən kollektiv doğma meydanda “Daequ” ilə qarşılaşıb. Futbolçumuzun komandası bu oyundan qələbə ilə ayrılıb – 1:0.

Anton da bu görüşün iştirakçısı olub. O, start heyətdə meydana çıxıb və sonadək oynayıb. Futbolçumuz 66-cı dəqiqədə sarı vərəqə ilə də cəzalanıb.

“Daejeon” hazırda 33 xalla 6-cı pillədə qərarlaşıb.