“Eriksen yaxşı futbolçudur, amma…” – “İnter” rəsmisi

İtaliyanın “İnter” klubunun idman direktoru Beppe Marotta komandaya transfer olunacağı deyilən Kristian Eriksenlə bağlı açıqlama verib.

Komanda.az İtaliya mətbuatına istinadən xəbər verir ki, klub rəsmisi, “Tottenhem”in futbolçusu ilə danışıqlar aparmadıqlarını bildirib:

“Eriksen mükəmməl futbolçudur və bilirik ki, komandası ilə müqaviləsi bitmək üzrədir. Düşünürəm ki, o, bir çox klubun maraq dairəsindədir. Eriksen yaxşı futbolçudur, amma onunla danışıqlara başladığımızı deməyim mümkün deyil”.

27 yaşlı futbolçunun adı “Real”, “Mançester Yunayted” və PSJ kimi klublarla yanaşı çəkilir. “Tottenhem”lə müqaviləsi cari mövsümün sonunda bitəcək futbolçu, yeni sözləşmə təklifini qəbul etməmişdi.