“Krasnodar” Kadi Borgesin transferini rəsmən açıqladı

“Qarabağ”dan ayrılan braziliyalı yarımmüdafiəçi Kadi Borgesin Rusiyanın “Krasnodar” klubuna keçidi rəsmiləşib.

Komanda.az xəbər verir ki, bu barədə Premyer Liqa klubunun rəsmi saytı məlumat yayıb.

26 yaşlı futbolçu ilə 2026-cı il iyunun 30-dək müqavilə imzalanıb. O, Premyer Liqa təmsilçisində, Ağdam klubunda olduğu kimi, 20 nömrəli formanı geyinəcək.

Bu transfer “Qarabağ”a təxminən 5 milyon avro qazandırıb.

Xatırladaq ki, Kadi Borges 2021-ci ilin yayından “Qarabağ”ın şərəfini qoruyurdu. O, Ağdam təmsilçisində 75 oyuna 28 qol və 28 məhsuldar ötürmə ilə yadda qalıb.