İtaliyada da futbol qayıdır: “Yuventus” “Milan”a qarşı – Afişa

Koronavirusa görə İtaliyada dayandırılan futbol yarışları bu gündən bərpa olunur.

Komanda.az xəbər verir ki, ilk olaraq ölkə kubokunun matçları başlayacaq. Bu gün kubokun yarımfinal mərhələsinin cavab oyunu çərçivəsində “Yuventus” “Milan”ı qəbul edəcək. Komandalar arasındakı ilk oyunda qollu bərabərlik qeydə alınıb – 1:1.

Yarımfinal mərhələsinin digər matçında sabah “Napoli” “İnter”i qəbul edəcək. Komandalar arasında Milanda baş tutan qarşılaşmada “Napoli” minimal hesabla qalib gəlib – 1:0.

İtaliyada koronavirusa görə kubokun və A Seriyasının matçları azarkeşsiz keçiriləcək. İtaliya A Seriyası iyunun 20-də bərpa olunacaq.

İtaliya kuboku, yarımfinal, cavab oyunları

12 iyun

23:00 Yuventus – Milan
İlk oyun 1:1

13 iyun

23:00 Napoli – İnter
İlk oyun 1:0