Konte İngiltərə və İtaliya futbolunu müqayisə etdi

“Tottenhem”in baş məşqçisi Antonio Konte İngiltərə Premyer Liqasını və İtaliya A Seriyasını müqayisə edib.

Komanda.az “Sky Sports”-a istinadən xəbər verir ki, o, hər iki ölkədə idmanla bağlı fərqli münasibətlərin olduğunu bildirib:

“Düşünürəm ki, İngiltərədə və İtaliyada idmana fərqli münasibətlər var. İtaliyada həftənin ilk günündən sonuncu gününə qədər futboldan danışırsız. Məhz buna görə inkişaf edirsiz.

İngiltərədə isə futboldan həzz almağa imkan verən bir atmosfer var. Çünki burada sadəcə idman vacib hesab olunur. Lakin İtaliyada klublar və azarkeşlər arasında əsl müharibə gedir”.

Konte məşqçilik karyerası ərzində İtaliyada “Bari”, “Atalanta”, “Siena”, “Yuventus”, “İnter”, İngiltərədə isə “Çelsi” komandasını çalışdırıb. O, hazırda “Tottenhem”in “sükanı arxasındadır”.

İtaliyalı mütəxəssisin çalışdırdığı komanda bu gecə UEFA Çempionlar Liqasının 1/8 finalında “Milan”ın qonağı olacaq. Cavab qarşılaşması isə martın 9-da oynanılacaq.